ПУТИН

Чӣ рафтааст, ки ҷуз зулму ғам намебинем
Асири панҷаи ин рӯзгори нангинем

На фикри авҷи саъодат, на фикри тарҳи навем
Ки соилони сари роҳи давлати Чинем

Чи солҳо, ки гузашт аз шиори истиқлол
Вале ҳанӯз аҷирони дасти Путинем.

Асири тафриқаему фиреби сад солус
Дучори гиряи бехуд, ҳамеша ғамгинем!

Билоди куфр ба фикри уруҷи инсонанд
Ҳанӯз мо пайи шаръи қавоиду динем!

Расидаанд ба моҳу ба фикри Мирриханд
Дучори масъалаҳои камарбапоинем!

Дуруд бод ба ҳар раҳраве, ки дар авҷ аст
Дареғи мо ба ҷуз аз худ касе намебинем!

Дар ин замона, ки андӯҳи сина чун кӯҳ аст
Ба фикри тешаи Фарҳоду ишқи Ширинем!

Чи тарҳҳо, ки ба қасди завол мерезем!
Чи сангҳо, ки ба роҳи камол мечинем!

Чаро ба мазҳаби инсоф рӯ намеорем?
Чаро ба номи адолат ба кори тавҳинем?

Ба зулму кинаву нафрат чӣ нисбате дорем
Асири банди кадомин тилисму нафринем?

Насибамон шуда як умр қатлу хунрезӣ
Ки доғдидатар аз мардуми Фаластинем!

Агарчи дар қафаси танги шаб гирифторем
Вале ҳанӯз ҳамон шоҳбол, шоҳинем!

****
Бидам ба сур,ки гӯши замона сангин аст
Бисоз мӯъҷизае то ба қулла биншинем!

#Фирдавси_Аъзам
#Шеъри_муосири_Тоҷикистон

چه رفته است که جز ظلم و غم نمی‌بینیم
اسیر پنجه ی این روزگار ننگینیم

نه فکر اوج سعادت، نه فکر طرح نویم
که سائلان سرِ راه دولتِ “چینیم”

چه سالها که گذشت از شعار استقلال
ولی هنوز اجیران دست “پوتینیم”

اسیر تفرقه ایم و فریب صد سالوس
دچار گریه بیخود، همیشه غمگینیم

بلاد کفر به فکر عروج انسانند
هنوز ما پی شرع و قواعد دینیم!

رسیده اند به ماه و به فکر مریخند
دچار مسئله های کمر به پایینیم!

درود باد به هر رهروی که در اوج است
دریغ ما به جز از خود کسی نمی بینیم!

در این زمانه که اندوه سینه چون کوه است
به فکر تیشه ی فرهاد و عشق شیرینیم!

چه طرح ها که به قصد زوال میریزیم!
چه سنگها که به راه کمال میچینیم!

چرا به مذهب انصاف رو نمیاریم؟
چرا به نام عدالت به کار توهینیم؟

به ظلم و کینه و نفرت چه نسبتی داریم
اسیر بند کدامین طلسم و نفرینیم!؟

نصیب مان شده یک عمر قتل و خونریزی
که داغدیده تر از مردم فلسطینیم!

اگر چه در قفس تنگ شب گرفتاریم
ولی هنوز همان شاه بال، شاهینیم!

****
بدم به صور که گوش زمانه سنگین است
بساز معجزه ای تا به قله بنشینیم!

#فردوس_اعظم
#غزل_معاصر_تاجيكستان
#تازه